संक्षिप्त इतिहास
1973त, गोंयांत पुरातत्व आनी वस्तूसंग्रहालयाचें युनीट स्थापीत केल्लें. ताचे उपरांत 29 सप्टेंबर 1977त सांत ईनेज हांगा भाड्याच्या इमारतींत एक ल्हानशे वस्तूसंग्रहालय उक्तें केलें आनी ते लोकांक खातीर उक्तें दवरिल्लें. तेच 18 जून 1996 त पाट्यार स्थलांतरीत केलें आनी भारताच्या तत्कालीन राष्ट्रपतीचें हस्तूकी ताचें उक्तावण जाल्ले. सध्याक, जून 2017 सावन पुराय वस्तूसंग्रहालय पणजेच्या पोरण्यां सचिवालयांत स्थलांतरीत केल्ले आसा.
इमारती विशीं
इमारती विशीं:
हे वस्तूसंग्रहालय पणजी हांगाच्या इतिहासीक वास्तू इमारतींत पोरण्या सचिवालयांत स्थायीक आसा. हे इमारतीक इदालसांव पॅलेस वा अदिलशाह पॅलेस अशेंय म्हणटालें. 18 व्या शेकड्यात पोर्तुगीजां वरवीं पणजीत राजधानी स्थलातरीत केल्या उपरांत ही इमारत व्हायसरॉयांचें अधिकृत निवासस्थान म्हणूनय काम करतालीं. 1961 त गोंय मुक्त जाल्या उपरांत, 2000 वर्सा नव्या सुवातीचेर स्थलांतरीत जाय मेरेन ही इमारत सचिवालय आनी विधानसभा सभाघर म्हणूनय काम करतालीं.
भौसा कडल्यान अपेक्षा
- गोंय राज्यांतल्या इतिहासीक म्हत्व आशिल्ल्या प्राचीन काळांतल्या वस्तू विशीं वस्तूसंगहालयाच्या प्राधिकारिणीक माहिती दिवप, जी वस्तूसंग्रहालया वरवीं संपादन वा तिगोवन दवरूंक शकता.
- वस्तूसंग्रहालयाक उल्लेखनीय वैयक्तीक संग्रह वा भौशीक प्रदर्शनांक विशिश्ट कालावधी खातीर विक्रीचेर वा रिणाचेर प्रस्तावीत करून देणगी म्हूण दिवप.
- वस्तूसंग्रहालयाच्या कर्मचार्याच्या मजतीन वस्तूसंग्रहालयाच्या संकुलांत खासगी संग्रहाचें प्रदर्शन आयोजीत करप.
- वस्तूसंग्रहालया वरवीं आयोजीत केल्ल्या वेगवेगळ्या सर्तीनी सक्रियपणान वांटेकार जावचें खातीर विद्यार्थ्यांक प्रोत्साहीत करप.
- वस्तूसंग्रहालयाची सुदारणां करपा खातीर वेव्हारीक सुचोवण्यो दिवच्यो.
